Sit meh als 15 Jahr gits dr Pässewettbewärb vom FMS
Ab erschte März bis Ändi Oktober het me Zyt es Programm vo 100 Päss nach freiem Ermässe im Bezug uf Zyt und Routewahl z'absolviere.
Im Roadbook hets näb de 100 obligatorische Päss no zwüsche 30 bis 35 Zusatzpäss (teilwys Schotersterckine).
Lut Reglemänt mues me dr Pass vom Start- bis zum Zielort  (oder umgekehrt)  befahre und am vorgschribene Ort (meischtens Passhöchi oder markants Objekt) es Bewysföteli mache. Jedi Strecki (Pass oder Eiwäg) wird mit ere bestimmte Punktzahl i d'Kontroll-Lischte iitrage und ergit entsprächend em Total e Bronce-, Silber- oder Guldmedaille. Wär alli (130) Strecke befahrt u dokumentiert gilt als Topp-Fahrer und wird näbscht der Guldmedaille mit em ne Zertifikat uszeichnet.
Näbscht däm Wettbewärb (PWB Classic) bietet d'Tourismuskommission vom FM zwöi witeri Teilnahmsmüglechkeite a wo uf dr gliche, jährlech wäschselnde Streckeuswahl basiere. Informiere und amälde chasch di uf der Hompage vom FMS.
Hie geits zu witere Infos (FMS)