Mini Website wott i regumässig aktualisiere, das vor auem im Tab "Pässewettbewärb"
Es Sprichwort seit "Der Fortschritt besteht in der Veränderung" --- auso lueg glägetlech wieder ine, ob sich öppis veränderet het oder ob, speziell under em Tab Toure und Route nöii Vorschläg dinne si.
Ig fröie mi uf jede Kommentar, jedi Kritik.  Schribe chasch mr under:  Peter.Gerster@pesche-baern.ch
Ds Töff-Reise isch sit über 30 Jahr mis gröschte u fasch einzige Hobby. Äs erloubt mir, Land und Lüt uf ne naturnachi und pärsönlechi Art lehre ds kenne u ds gniesse.
Bis anhin hani miner Reise, ob alei oder mit Kollege nach em Motto "Immer dr Nase nah" planet - eifach mau ufhocke, abfahre, Gägend gniesse u am Abe irgendwo ime-n-e Dorf, Stadt oder i de Pampas entweder es Bett sueche oder ds Zäut uf steue.
Inzwüsche ha-n-i  es Navi beschafft u plane d'Reise mit  BaseCamp uf em Compi - ds Vergnüege wird da drmit absolut nid chliner.
Das was i plane (Tracks / Route) wett i mit dere Homepage ou anderne Biker, wo glychi Inträsse hei  zur Verfüegig steue.
​Du findsch e Uswahl under em Tab "Toure und Route"

Wie navigiere uf dere Site:

• Links zu Biiträg innerhaub oder usserhaub vor Site si ​grüen ​dargsteut.
• Iibetteti Videos leite Di uf Youtube 
• Falls e Tab mehreri Underkapitel het, so gsesch es bim Drüberfahre mit dr Muus.

​Nöi    Nöi     Nöi  ​ 

• Uf "Toure & Route" gibe-n-i Infos u links zu  Reiseziel woni bi gfahre.
• Zusätzlech chasch mit em ne link uf AllTrails d'gpx-Dateie abelade